Атырау облысы Білім беру басқармасының Құрманғазы ауданы білім бөлімінің Нұржау жалпы орта мектебі КММ
Ата-аналарды педагогикалық қолдау орталығының жұмыс жоспарына сәйкес 1-4 сынып оқушыларының ата-аналарының арасында «Сапалы ұйқы: балалардың дамуы мен денсаулығының негізі » тақырыбында дәріс сабағы өтті.
Мақсаты: Баланың физикалық және психикалық денсаулығын сақтау факторы ретінде ата-аналардың ұйқыға құндылық қатынасын қалыптастыру.
«Көңілді кәмпиттердің» түстері арқылы /қызыл, жасыл/ екі топқа бөлініп отырды. «Менің балам» сергіту әдісі арқылы амандасып, «Білесіздер
Білмейсіздер
» әдісімен өз бойындағы қасиеттерін айтып өтті. «Шульте» кестесі арқылы сабақ тақырыбы мен мақсаты ашылды. Сапалы ұйқы жөнінде мағлұматтар беріліп, «Телебум» әдісі арқылы бейнеслайд көрсетілді. Осы бейнеслайд бойынша топтық жұмыс орындап, постерлерін қорғады. Ұжымдық жұмыс арқылы «Жағдаяттық мәселе» бойынша пікірлерін көк, қызыл текшелермен білдірді. «Әуедегі шар» әдісімен ұйқыны шақыратын және бұзатын жағдайларды орналастырды. «Жасыл лента» әдісімен ұйқының функцияларын суретті пазлдарын құрастырды. Ата — аналарға «Жақсы ұйықтауға арналған кеңес» тақырыбындағы жадынама бетшелері таратылды. «Бриллиант ана» әдісі арқылы ұйқы туралы мақал-мәтел жарысы өтті. Сабақ соңында «Түстер шоғыры» әдісі арқылы «Сен маған, мен саған» айдарымен кері байланыс алынды. Сабақ әсерлі өтіп, ата-аналар кері байланыс берді.Сабақты өткізуші: бастауыш сынып пәнінің мұғалімі, педагог — сарапшы Марта Абдуллаева.
